അകലങ്ങളിലിരുന്ന് ശബ്ദവും ടെക്സ്റ്റും ഷെയര്‍ ചെയ്യുന്ന നാം എന്തുകൊണ്ട് പരസ്പരം കണ്ടുകൂടാ, ചാറ്റ് റൂമില്‍ ഇരുന്ന് പഞ്ചാര പറയുന്നവന്റെ കത്തികേള്‍ക്കുമ്പോള്‍ ഇവനെയൊന്നു കണ്ടാല്‍ കൊള്ളാമെന്നു തോന്നിയാല്‍ അതല്ലെങ്കില്‍ ചാറ്റ്രൂമില്‍ ഇരുന്ന് തള്ളക്ക് വിളിക്കുന്നവന്റെ ഫോട്ടോകണ്ട് “ദൈവേ.... ഇവനെയൊന്നും കണ്ടാല്‍ അങ്ങനെ തോന്നത്തേയില്ലല്ലൊ എന്നു വിചാരിച്ച് സ്വന്തം ചന്തിയിലോ മൂക്കത്തോ ഒക്കെ വിരല്‍ വെച്ച് അത്ഭുതംകൂറാന്‍, അതുമല്ലെങ്കില്‍ ഫേക്ക് കാമുകള്‍ക്കും സൈബര്‍ലോകത്തില്‍ നിന്നുമെല്ലാം ഇറങ്ങി എന്നെങ്കിലും എപ്പോഴെങ്കിലും എവിടെവെച്ചെങ്കിലും ആള്‍കൂട്ടത്തിനിടയില്‍ കണ്ട്മുട്ടിയാല്‍ ‘ദേ... കുഞ്ഞാക്കയുടെ സൈറ്റില്‍ കണ്ട അതേ മുഖം’ എന്നു പറഞ്ഞ് ഓടിച്ചെന്ന് ‘ഡാ കൂതറേ, ഇതുഞാനാടാ’ എന്നു പരിചയപ്പെടാന്‍. (NB:- ആളുമാറി ലൈവ് ആയി പച്ചത്തെറിയോ അടിയോ കിട്ടിയാല്‍ ഈ പാവം ഞാന്‍ ഉത്തരവാദിയായിരിക്കുന്നതല്ല എന്നൊരു അറിയിപ്പും ഇതിനാല്‍ അറിയിച്ചുകൊള്ളുന്നു) എല്ലാം നമുക്കിവിടെ സൌഹാര്‍ദ്ദത്തിന്റെ ചിത്രങ്ങള്‍ ശേഖരിക്കാം, പങ്കുവെക്കാം. എന്നെങ്കിലുമൊരിക്കല്‍ കണ്ട്മുട്ടിയാല്‍ അപരിചിതത്വമില്ലാതെ പരസ്പരം സ്നേഹം പങ്കിടാനായ്, സൌഹൃദം കൈമാറാനും.
പാവം ഇദ്ദേഹത്തിനു വെട്ടിക്കിളികളേ ഭയങ്കര ഇഷ്ടമാ.... അതോണ്ട് ഇവന്റെ പ്രധാന ഹോബി ഇവയെ പിടിച്ച് പചക്കു തിന്നുക എന്നതാണ്,എന്നിട്ടും അതിനോടുള്ള ആക്രാന്തം തീരാഞ്ഞ് വെട്ടുകിളി എന്ന പേരില്‍ 1 മുതല്‍ 100 വരെ ഐഡി ഉണ്ടാക്കി സ്വയം സായൂജ്യമടയുന്നു,ഇവന്റെ ആരോഗ്യ രഹസ്യം തന്നെ ഇതാണെന്നാണു ഇവന്റെ വാദം, എന്തെങ്കിലുമാവട്ട്....... അതിലൊരു ചെറിയ സത്യമുണ്ടെന്നാണ് എനിക്കു തോന്നുന്നത് , കാരണം 56 കഴിഞ്ഞ ഇവന്റെ ഫോട്ടോ കണ്ടില്ലേ....ഹോഹ് എന്നാ ചെറുപ്പമാ.........(മുടിയൊക്കെ ചായം പൂശിയതാണെന്നാണ് നാട്ടുകാര്‍ പറയുന്നത്)
No comments:
Post a Comment